قيمة الحكمة

الإنسان اللي عِنْده حكمة، كنوز العالم ما تساويها 

نِيّالو وْهُوِّي مَغْبوط، مِنْ الرَّبّ اللي عاطيها

الناس بتاخُد بِرأيو، وتفكيرو دايماً مَزبوطْ

وإن سألتو جِبْتا مْنين؟ ما بِتخافْ من الإيّام؟؟

خوفْ وخرابْ وتدمير، وإنتَ نايِمْ وْمَبْسوطْ؟

يا إبني إسمعْ كلماتي، وجُوّا عيونَكْ خَبِّيها

بالحكمة شجرة حياة، إمْسِكْها وما تِرْخيها

ادرسْها وتْعَلَّمْ منها، نَفْسَكْ رَحْ تِحيا فيها

ربَّكْ بالحكمة أسَّسْ، الأرضْ وْهُوِّي باريها

ولمّا مِنْ قلبكْ تسألْ، "حكمة" لنفسَكْ تهديها

خَوْفَكْ رَحْ يبْعدْ عنَّكْ، وعَيْنَكْ نَوْمْ بْيَعْطيها