الكسلان
روحْ للنملة يا كسلانْ
تأمَّل فيها وكُنْ حكيمْ
حتى ما تبقى نعسانْ
وناطِرْ أكْلَكْ من إيدْ مينْ؟
الوقت الضايِعْ ما بيفيدْ
مثل الخَلّ للأسنانْ
فِكركْ خامِلْ رَحْ بيصيرْ
مثل الدَخْنِةْ للعينينْ
نَفْسَكْ عمْ تشتهي كتيرْ
حاسِدْ.. غايِرْ من المجتهدينْ
مسيِّجْ طريقَكْ بالشوكْ
حقلك بابه وحَيْطه مهدومينْ
النملة الأصغرْ في الحيوانْ
أذكى وأحكمْ من الكسلانْ
بالصيف بتجمعْ طعامْ
وهوّى مغَمَّض الأجفانْ
ولما الشتاء يدُقّ البابْ
البَرْد النملة ما بتْهابْ
أمّا أنتَ يا كسلانْ
بتبقى جوعانْ وبردانْ
الوقت, الصيف, نملة, الكسل , الاجتهاد
- عدد الزيارات: 2986