يا ناقشني

شعر بقلم الأخ: زهير دعيم
يا ناقشني على كَفّيكْ ومْخبّيني جوا عينيكْ أنا زهرة صغيره ببستانك أنا همسة بتحنّ إليكْ

زَلّة عمري بتواريها
وعلّة بدني انت شافيها 
كلّ الدُّنيا وكلّ ما فيها
بتتحرَك بأمر إيديكْ

فرحة قلبي أحِبّ الفادي
أنا وأهـلي وكلّ وْلادي
أنت ربّي، حامي بلادي 
كلّ مُتكلي عليكْ

دُقّ الباب ودقّ قلوبْ
وإمسح دمعة كلّ مغلوب 
قلوبنا بحبَّك بتذوب
يا ناقشنا على كفيك